919 Cunctanti telum Aeneas fatale coruscat ,
ask 920 sortitus fortunam oculis , et corpore toto
ask 921 eminus intorquet . murali concita numquam
ask 922 tormento sic saxa fremunt nec fulmine tanti
ask 923 dissultant crepitus . volat atri turbinis instar
ask 924 exitium dirum hasta ferens orasque recludit
ask 925 loricae et clipei extremos septemplicis orbis ;
ask 926 per medium stridens transit femur . incidit ictus
ask 927 ingens ad terram duplicato poplite Turnus .
ask 928 consurgunt gemitu Rutuli totusque remugit
ask 929 mons circum et vocem late nemora alta remittunt .
ask 930 ille humilis supplex oculos dextramque precantem
ask 931 protendens ' equidem merui nec deprecor ' inquit ;
ask 932 ' utere sorte tua . miseri te si qua parentis
ask 933 tangere cura potest , oro ( fuit et tibi talis
ask 934 Anchises genitor ) Dauni miserere senectae
ask 935 et me , seu corpus spoliatum lumine mavis ,
ask 936 redde meis . vicisti et victum tendere palmas
ask 937 Ausonii videre ; tua est Lavinia coniunx ,
ask 938 ulterius ne tende odiis .' stetit acer in armis
ask 939 Aeneas volvens oculos dextramque repressit ;
ask 940 et iam iamque magis cunctantem flectere sermo
ask 941 coeperat , infelix umero cum apparuit alto
ask 942 balteus et notis fulserunt cingula bullis
ask 943 Pallantis pueri , victum quem vulnere Turnus
ask 944 straverat atque umeris inimicum insigne gerebat .
ask 945 ille , oculis postquam saevi monimenta doloris
ask 946 exuviasque hausit , furiis accensus et ira
ask 947 terribilis : ' tune hinc spoliis indute meorum
ask 948 eripiare mihi ? Pallas te hoc vulnere , Pallas
ask 949 immolat et poenam scelerato ex sanguine sumit .'
ask 950 hoc dicens ferrum adverso sub pectore condit
ask 951 fervidus ; ast illi solvuntur frigore membra
ask 952 vitaque cum gemitu fugit indignata sub umbras .
ask Latin text from The Latin Library (public domain). This source does not mark vowel quantity; macrons are not shown because they would have to be invented. Click a line number to flag it as hard. This passage’s place on the syllabus is set by the CED’s required reading list(opens the official AP Latin CED, PDF) .