201 Laocoon , ductus Neptuno sorte sacerdos ,
ask 202 sollemnis taurum ingentem mactabat ad aras .
ask 203 ecce autem gemini a Tenedo tranquilla per alta
ask 204 ( horresco referens ) immensis orbibus angues
ask 205 incumbunt pelago pariterque ad litora tendunt ;
ask 206 pectora quorum inter fluctus arrecta iubaeque
ask 207 sanguineae superant undas , pars cetera pontum
ask 208 pone legit sinuatque immensa volumine terga .
ask 209 fit sonitus spumante salo ; iamque arva tenebant
ask 210 ardentisque oculos suffecti sanguine et igni
ask 211 sibila lambebant linguis vibrantibus ora .
ask 212 diffugimus visu exsangues . illi agmine certo
ask 213 Laocoonta petunt ; et primum parva duorum
ask 214 corpora natorum serpens amplexus uterque
ask 215 implicat et miseros morsu depascitur artus ;
ask 216 post ipsum auxilio subeuntem ac tela ferentem
ask 217 corripiunt spirisque ligant ingentibus ; et iam
ask 218 bis medium amplexi , bis collo squamea circum
ask 219 terga dati superant capite et cervicibus altis .
ask 220 ille simul manibus tendit divellere nodos
ask 221 perfusus sanie vittas atroque veneno ,
ask 222 clamores simul horrendos ad sidera tollit :
ask 223 qualis mugitus , fugit cum saucius aram
ask 224 taurus et incertam excussit cervice securim .
ask 225 at gemini lapsu delubra ad summa dracones
ask 226 effugiunt saevaeque petunt Tritonidis arcem ,
ask 227 sub pedibusque deae clipeique sub orbe teguntur .
ask 228 tum vero tremefacta novus per pectora cunctis
ask 229 insinuat pavor , et scelus expendisse merentem
ask 230 Laocoonta ferunt , sacrum qui cuspide robur
ask 231 laeserit et tergo sceleratam intorserit hastam .
ask 232 ducendum ad sedes simulacrum orandaque divae
ask 234 dividimus muros et moenia pandimus urbis .
ask 235 accingunt omnes operi pedibusque rotarum
ask 236 subiciunt lapsus , et stuppea vincula collo
ask 237 intendunt ; scandit fatalis machina muros
ask 238 feta armis . pueri circum innuptaeque puellae
ask 239 sacra canunt funemque manu contingere gaudent ;
ask 240 illa subit mediaeque minans inlabitur urbi .
ask 241 o patria , o divum domus Ilium et incluta bello
ask 242 moenia Dardanidum ! quater ipso in limine portae
ask 243 substitit atque utero sonitum quater arma dedere ;
ask 244 instamus tamen immemores caecique furore
ask 245 et monstrum infelix sacrata sistimus arce .
ask 246 tunc etiam fatis aperit Cassandra futuris
ask 247 ora dei iussu non umquam credita Teucris .
ask 248 nos delubra deum miseri , quibus ultimus esset
ask 249 ille dies , festa velamus fronde per urbem .
ask Latin text from The Latin Library (public domain). This source does not mark vowel quantity; macrons are not shown because they would have to be invented. Click a line number to flag it as hard. This passage’s place on the syllabus is set by the CED’s required reading list(opens the official AP Latin CED, PDF) .