88 Eripiunt subito nubes caelumque diemque
ask 89 Teucrorum ex oculis ; ponto nox incubat atra .
ask 90 Intonuere poli , et crebris micat ignibus aether ,
ask 91 praesentemque viris intentant omnia mortem .
ask 92 Extemplo Aeneae solvuntur frigore membra :
ask 93 ingemit , et duplicis tendens ad sidera palmas
ask 94 talia voce refert : ' O terque quaterque beati ,
ask 95 quis ante ora patrum Troiae sub moenibus altis
ask 96 contigit oppetere ! O Danaum fortissime gentis
ask 97 Tydide ! Mene Iliacis occumbere campis
ask 98 non potuisse , tuaque animam hanc effundere dextra ,
ask 99 saevus ubi Aeacidae telo iacet Hector , ubi ingens
ask 100 Sarpedon , ubi tot Simois correpta sub undis
ask 101 scuta virum galeasque et fortia corpora volvit ?'
ask 102 Talia iactanti stridens Aquilone procella
ask 103 velum adversa ferit , fluctusque ad sidera tollit .
ask 104 Franguntur remi ; tum prora avertit , et undis
ask 105 dat latus ; insequitur cumulo praeruptus aquae mons .
ask 106 Hi summo in fluctu pendent ; his unda dehiscens
ask 107 terram inter fluctus aperit ; furit aestus harenis .
ask Latin text from The Latin Library (public domain). This source does not mark vowel quantity; macrons are not shown because they would have to be invented. Click a line number to flag it as hard. This passage’s place on the syllabus is set by the CED’s required reading list(opens the official AP Latin CED, PDF) .