305 ' dissimulare etiam sperasti , perfide , tantum
ask 306 posse nefas tacitusque mea decedere terra ?
ask 307 nec te noster amor nec te data dextera quondam
ask 308 nec moritura tenet crudeli funere Dido ?
ask 309 quin etiam hiberno moliri sidere classem
ask 310 et mediis properas Aquilonibus ire per altum ,
ask 311 crudelis ? quid , si non arva aliena domosque
ask 312 ignotas peteres , et Troia antiqua maneret ,
ask 313 Troia per undosum peteretur classibus aequor ?
ask 314 mene fugis ? per ego has lacrimas dextramque tuam te
ask 315 ( quando aliud mihi iam miserae nihil ipsa reliqui ),
ask 316 per conubia nostra , per inceptos hymenaeos ,
ask 317 si bene quid de te merui , fuit aut tibi quicquam
ask 318 dulce meum , miserere domus labentis et istam ,
ask 319 oro , si quis adhuc precibus locus , exue mentem .
ask 320 te propter Libycae gentes Nomadumque tyranni
ask 321 odere , infensi Tyrii ; te propter eundem
ask 322 exstinctus pudor et , qua sola sidera adibam ,
ask 323 fama prior . cui me moribundam deseris hospes
ask 324 ( hoc solum nomen quoniam de coniuge restat )?
ask 325 quid moror ? an mea Pygmalion dum moenia frater
ask 326 destruat aut captam ducat Gaetulus Iarbas ?
ask 327 saltem si qua mihi de te suscepta fuisset
ask 328 ante fugam suboles , si quis mihi parvulus aula
ask 329 luderet Aeneas , qui te tamen ore referret ,
ask 330 non equidem omnino capta ac deserta viderer .'
ask 331 Dixerat . ille Iovis monitis immota tenebat
ask 332 lumina et obnixus curam sub corde premebat .
ask 333 tandem pauca refert : ' ego te , quae plurima fando
ask 334 enumerare vales , numquam , regina , negabo
ask 335 promeritam , nec me meminisse pigebit Elissae
ask 336 dum memor ipse mei , dum spiritus hos regit artus .
ask 337 pro re pauca loquar . neque ego hanc abscondere furto
ask 338 speravi ( ne finge ) fugam , nec coniugis umquam
ask 339 praetendi taedas aut haec in foedera veni .
ask 340 me si fata meis paterentur ducere vitam
ask 341 auspiciis et sponte mea componere curas ,
ask 342 urbem Troianam primum dulcisque meorum
ask 343 reliquias colerem , Priami tecta alta manerent ,
ask 344 et recidiva manu posuissem Pergama victis .
ask 345 sed nunc Italiam magnam Gryneus Apollo ,
ask 346 Italiam Lyciae iussere capessere sortes ;
ask 347 hic amor , haec patria est . si te Karthaginis arces
ask 348 Phoenissam Libycaeque aspectus detinet urbis ,
ask 349 quae tandem Ausonia Teucros considere terra
ask 350 invidia est ? et nos fas extera quaerere regna .
ask 351 me patris Anchisae , quotiens umentibus umbris
ask 352 nox operit terras , quotiens astra ignea surgunt ,
ask 353 admonet in somnis et turbida terret imago ;
ask 354 me puer Ascanius capitisque iniuria cari ,
ask 355 quem regno Hesperiae fraudo et fatalibus arvis .
ask 356 nunc etiam interpres divum Iove missus ab ipso
ask 357 ( testor utrumque caput ) celeris mandata per auras
ask 358 detulit : ipse deum manifesto in lumine vidi
ask 359 intrantem muros vocemque his auribus hausi .
ask 360 desine meque tuis incendere teque querelis ;
ask 361 Italiam non sponte sequor .'
ask Latin text from The Latin Library (public domain). This source does not mark vowel quantity; macrons are not shown because they would have to be invented. Click a line number to flag it as hard. This passage’s place on the syllabus is set by the CED’s required reading list(opens the official AP Latin CED, PDF) .